Sri Sadasivendra Pancharatnam - श्रीसदाशिवेन्द्र-पञ्चरत्नम्

श्रीसदाशिवेन्द्र-पञ्चरत्नम्

 

yat-sandarSana-mAtrAd bhaktirjAtApyaviddha-karNasya |

tat-sandarSanamadhunA kRtvA nUnaM kRtArthO(a)smi ||  1 ||

 

यत्सन्दर्शन-मात्राद् भक्तिर्जाताप्यविद्ध-कर्णस्य |

तत्सन्दर्शनमधुना कृत्वा नूनं कृतार्थोऽस्मि  || 1 ||

 

नूनं अधुना  - Indeed now,

कृतार्थः  अस्मि - I am fulfilled

तत् सन्दर्शनं कृत्वा - by having had the Darshan of him,

यत्  सन्दर्शन-मात्रात् - by the mere sight of whom,

भक्तिः जाता  - devotion sprang up

अविद्ध-कर्णस्य अपि - even in a Yavana (lit. one whose ears are not pierced).

 

yO(a)niSamAtmanyEva hyAtmAnaM sandadhad-vIthyAm |

bhasmacchannAnala iva jaDAkRtiScarati taM naumi || 2 ||

 

योऽनिशमात्मन्येव ह्यात्मानं सन्दधद्-वीथ्याम् |

भस्मच्छन्नानल इव जडाकृतिश्चरति तं नौमि || 2 ||

 

तं नौमि - I praise him,

यः अनिशं  -  who always,

वीथ्याम् चरति - walks on the street

जडाकृति: - benumbed in appearance,

आत्मानं सन्दधद् - the self fixed

आत्मनि एव - only on itself,

हि - indeed

भस्मच्छन्न अनल इव - like fire concealed in ashes.

 

yasya vilOkana-mAtrAt cEtasi sanjAyatE SIghram |

vairAgyamacalamakhileshvapi vishayEsu praNaumi taM yaminam || 3 ||

 

यस्य विलोकन-मात्रात् चेतसि सञ्जायते शीघ्रम् |

वैराग्यमचलमखिलेष्वपि विषयेषु प्रणौमि तं यमिनम्  || 3 ||

 

प्रणौमि - I extol

तं यमिनम् - that self-restrained one,

यस्य विलोकन-मात्रात् - merely by whose glance,

अचलं वैराग्यं - steadfast detachment

अखिलेषु विषयेषु अपि - towards all sense-objects

सञ्जायते शीघ्रम् - arises quickly

चेतसि - in one’s mind.

 

puratO bhavatu kRpAbdhiH puravairi-nivishTa-mAnasaH sO(a)yam |

parama-SivEndra-karAmbuja-sanjAtO yaH sadASivEndrO mE || 4 ||

 

पुरतो भवतु कृपाब्धिः पुरवैरि-निविष्ट-मानसः सोऽयम् |

परमशिवेन्द्र-कराम्बुज-संजातो यः सदाशिवेन्द्रो मे || 4 ||

 

मे पुरतो भवतु - May (he) appear before me,

सदाशिवेन्द्रो - Sri Sadashiva Brahmendra,

कृपाब्धिः - the ocean of mercy,

सः अयम् यः  - he who is

पुरवैरि-निविष्ट-मानसः  the one whose heart is set upon Shiva,

परमशिवेन्द्र-कराम्बुज-संजातः - the one initiated by (lit. rose from) the lotus-like hand of Sri Paramasivendra Sarasvati.

 

unmattavat sancaratIha SishyaH tavEti lokasya vacAMsi SRNvan |

khidyannuvAcAsya guruH purAhO hyunmattatA mE na hi tAdRSIti || 5 ||

 

उन्मत्तवत् सञ्चरतीह शिष्यः तवेति लोकस्य वचांसि शृण्वन् |

खिद्यन्नुवाचास्य गुरुः पुराहो ह्युन्मत्तता मे न हि तादृशीति || 5 ||

 

पुरा - Long ago,

शृण्वन् - hearing

लोकस्य वचांसि - people’s reports

इति - thus,

तव शिष्यः - “Your disciple

सञ्चरति इह - wanders here

उन्मत्तवत् - like a madman”,

अस्य गुरुः - his Guru

खिद्यन् उवाच  - regretfully said

इति  - thus :

अहो हि - “Alas indeed,

मे न हि“ - that I haven’t acquired

तादृशी उन्मत्तता - this kind of madness !”

 

pancakamEtad-bhaktyA SlOkAnAM viracitaM lOkE |

yaH paThati sO(a)pi labhate karuNAM SIghraM sadASivEndrasya || 6 ||

 

पञ्चकमेतद्-भक्त्या श्लोकानां विरचितं लोके |

यः पठति सोऽपि लभते करुणां शीघ्रं सदाशिवेन्द्रस्य  || 6 ||

 

यः पठति - Whoever reads 

एतद् विरचितं - this composed

श्लोकानां पञ्चकं - set of five verses,

भक्त्या लोके - with devotion, upon this earth,

सः अपि लभते = he shall obtain

सदाशिवेन्द्रस्य  करुणां -  the grace of Sri Sadashiva Brahmendra

शीघ्रं - quickly.

 

|| iti SRngagiri-jagadguru SrISrI saccidAnanda-SivAbhinava-nRsiMhabhAratI-mahAsvAmibhiH viracitaM SrIsadASivEndra-pancaratnam ||

 

॥ इति शृङ्गगिरि-जगद्गुरु श्रीश्री सच्चिदानन्द-शिवाभिनव-नृसिंहभारती-महास्वामिभिः विरचितं श्रीसदाशिवेन्द्र-पञ्चरत्नम् ॥